SMS கவிஞர்கள் அரங்கம்

இனிக்கட்டும் இவ்வாண்டு!

2012-01-05T06:34:00.000-08:00

முயற்சிப் படிக்கட்டில்
முதலடி வைப்போம்!
வெற்றியெனும் சிகரம்
தொட்டுவிடும் தூரம்தான்!

கடந்துபோன நாட்களுக்கு
கைகாட்டி விடைசொல்லி,
தவழ்ந்துவரும் புத்தாண்டை
கைதூக்கி வரவேற்போம்!

இன்பத்தின் இரட்டிப்பாய்
இனிக்கட்டும் இவ்வாண்டு!

அன்பிற்கினிய எங்கள் குறுஞ்செய்திக் குடும்பம் மற்றும் இணையதள நண்பர்கள் அனைவருக்கும் எனது மனமார்ந்த,
புத்தாண்டு / பொங்கல் ந்ன்னாள் வாழ்த்துக்கள்!

- திருமதி. மு. செண்பக காசி
சென்னை, தமிழ்நாடு.

2012 புத்தாண்டு நல்வாழ்த்துக்கள்!

2011-12-31T22:35:00.001-08:00

எனது இணைய நண்பர்கள்/தோழிகள், தமிழ்நாடு குறுஞ்செய்திக் கவிஞர் குடும்ப உறுப்பினர்கள் அனைவருக்கும் எனது மனங்கனிந்த 2012 புத்தாண்டு நல்வாழ்த்துக்கள்!

- கிரிஜா மணாளன்

SMS கவிஞர்கள் அரங்கம்: ஆழிப்பேரலை!

2011-12-28T05:35:00.000-08:00

SMS கவிஞர்கள் அரங்கம்: ஆழிப்பேரலை!

ஆழிப்பேரலையே.......!

2011-12-28T05:14:00.000-08:00

சுனாமி !
===========
ஆறாத காயம் தந்த ஆழிப்பேரலையே.......
தீராத அந்தவலி இன்னும் மாறலையே....!
ஆண்டுகள் உருண்டோடி ஆயிரம் ஆனாலும்..
இன்று நடந்ததாய் நம்முன் நிழலாடும்!
நீ கொண்டுசென்ற உயிர்களைக்
காணாமல் துடித்ததே ஊர் ஜனம்..
கண்டுவர தூதுவிட்டு கண்ணீர்க்குளம் கட்டி,
கரையிலே நிற்கிறதே தினம் தினம்..!
பல்லாயிரம் உயிர்களைக் குடித்தது உன் சினம்...
அதனால் குவிந்ததோ மலைஎன பிணம், பிணம்....!
திட்டம்போட்டு நீ பார்த்திருந்தாய்…உயிர்களை
திரட்டிச் செல்ல நீ காத்திருந்தாய்..
உறங்கும் வேளையிலே ஊருக்குள் ஏன் புகுந்தாய்?
கண்ணிமைக்கும் நேரத்திலே கயவனாய் ஏன் வந்தாய்?
பால்குடித்து உறங்கிய குழந்தையின்
பால்முகத்தைக் காணாமல்,
தாய் கிடந்து தவிக்கின்றாள்
தாளாத வேதனையால் !
தரைமீனாய் துடிக்கின்றாள்!
பச்சைக் குழந்தை ஒன்று
எச்சில் முத்தமிட தாய்முகத்தைத் தேடுது....
காணாத ஏக்கத்திலே உயிர்வற்றி வாடுது.....
கணவனை இழந்த மனைவி கதற,
மனைவியை இழந்த கணவன் பதற,
உடல்களைத் தேடி உறவுகள் சிதற,
நீமட்டும் அமைதியாய் அடங்க,
கண்ணீர் கூக்குரல் ஊரெங்கும் தொடங்க,
உயிரையும், உடமையும் உனதாக்கிக்கொண்டாய்.
இதில்என்ன இன்பம்நீ அன்று கண்டாய்?
கடல்காண வரும்போதெல்லாம் இதயம் திட்டித் தீர்க்கிறது.
அந்த நாளை நினைத்தால் மட்டும்
கண்கள் குருதியை வார்க்கிறது.
அறிவியல்கூட உன்னிடம் தோற்றது..
அன்பான உறவுகளை நாங்கள்
எப்போதுதான் மீட்பது?

- கு. தமயந்தி, கள்ளக்குறிச்சி
(தமிழ்நாடு)

ஆழிப்பேரலை!

2011-12-28T05:01:00.001-08:00

சுனாமி !

2011-12-26T23:06:00.000-08:00

*ஆறாத காயம் தந்த ஆழிப்பேரலையே.......*
*தீராத அந்தவலி இன்னும் மாறலையே....!*
*ஆண்டுகள் உருண்டோடி ஆயிரம் ஆனாலும்..*
*இன்று நடந்ததாய் நம்முன் நிழலாடும்!*
*நீ கொண்டுசென்ற உயிர்களைக் *
*காணாமல் **துடித்ததே** ஊர் ஜனம்..*
*கண்டுவர தூதுவிட்டு கண்ணீர்க்குளம் கட்டி,*
*கரையிலே நிற்கிறதே தினம் தினம்..!*
*பல்லாயிரம் உயிர்களைக் குடித்தது உன் சினம்...*
*அதனால் குவிந்ததோ மலைஎன பிணம், பிணம்....!*
*திட்டம்போட்டு நீ பார்த்திருந்தாய்…உயிர்களை *
*திரட்டிச் செல்ல நீ காத்திருந்தாய்..*
*உறங்கும் வேளையிலே ஊருக்குள் ஏன் புகுந்தாய்?*
*கண்ணிமைக்கும் நேரத்திலே கயவனாய் ஏன் வந்தாய்?*
*பால்குடித்து உறங்கிய குழந்தையின்*
*பால்முகத்தைக் காணாமல்,*
*தாய் கிடந்து தவிக்கின்றாள் *
*தாளாத வேதனையால் ! *
*தரைமீனாய் துடிக்கின்றாள்! *
*பச்சைக் குழந்தை ஒன்று *
*எச்சில் முத்தமிட தாய்முகத்தைத் தேடுது....*
*காணாத ஏக்கத்திலே உயிர்வற்றி வாடுது.....*
*கணவனை இழந்த மனைவி கதற,*
*மனைவியை இழந்த கணவன் பதற,*
*உடல்களைத் தேடி உறவுகள் சிதற,*
*நீமட்டும் அமைதியாய் அடங்க,*
*கண்ணீர் கூக்குரல் ஊரெங்கும் தொடங்க,*
*உயிரையும், உடமையும் உனதாக்கிக்கொண்டாய்.*
*இதில்என்ன இன்பம்நீ அன்று கண்டாய்?*
*கடல்காண வரும்போதெல்லாம் இதயம் திட்டித் தீர்க்கிறது.*
*அந்த நாளை நினைத்தால் மட்டும்*
*கண்கள் குருதியை வார்க்கிறது. *
*அறிவியல்கூட உன்னிடம் தோற்றது..*
*அன்பான உறவுகளை நாங்கள்*
*எப்போதுதான் மீட்பது?*

- கு. தமயந்தி, கள்ளக்குறிச்சி* (தமிழ்நாடு)*

சுனாமி !

2011-12-23T06:00:00.000-08:00

வணக்கம்!
ஆண்டுகள் பல கடந்தும். வரலாற்றில் அழியாத சோகச்சுவடுகளைப் பதித்துச் சென்றுள்ள ஆழிப்பேரலை’யின் அவலங்களைப்பற்றி, ஆண்டுதோறும் நாம் புலம்பிக்கொண்டுதான் இருக்கிறோம்.
நமது புலம்பல்கள் அந்த இயற்கையன்னையின் செவிகளுக்கு எட்டி, இனியொருகுறை அத்தகைய கொடுமையை அவள் நம்மீது பாய்ச்சாமலிருக்க வேண்டுமே எதிர்பார்ப்புக்களோடு!
இதோ, வரும் 26 அன்று சுனாமிநினைவு நாள் வருகிறது! சுனாமி பற்றி, எங்களது ‘தமிழ்நாட்டுக் குறுஞ்செய்திக் கவிஞர்கள் தம் படைப்புகளை இங்கே வழங்குகிறார்கள்.

- கிரிஜா மணாளான்
Editor/www.smspoets-tamil.blogspot.com
===========================================
சுனாமி !
=======

வலைவீசி
மீன்களைப் பிடித்தனர்
மக்கள்,
அலைவீசி
மக்களைப் பிடித்தது
சுனாமி!

கும்பகோணத் தீ
குழந்தைகளைத் தின்றது,
சுனாமியோ
சகலரையும் கொன்றது!
கடல் வற்றினாலும்
காயம் ஆறாது!

- பொன்.குமார், சேலம் (தமிழ்நாடு)
=================================

சுனாமி!
இந்தக்கோபம்
இனியும் வேண்டாம்!
இன்னொருமுறை வந்தால்,
உடைந்த இதயமெல்லாமே
நொறுங்கிவிடும்!
கண்ணீரில் வரைந்த
கடல் ஓவியம்......சுனாமி!
காலச்சக்கரத்தில்
செல்லரித்துபோனாலும்,
நெஞ்சத்தை அரித்துக்கொண்டே
இருக்கும் எப்போதும்!

- வி. சிவசங்கர், கள்ளக்குறிச்சி
(தமிழ்நாடு)
==============================

புகைப்படத்தில்
அழவைக்கிறது,
சுனாமியில் இறந்த
குழந்தை!

- வைகறை
=======================

ஓயாத சோக அலைகளாய்
எங்கள் கண்ணீரில்
இன்னும் கரிகிறது
கடலின் உப்பு!

- ஜவகர், நாகப்படினம்
(தமிழ்நாடு)
======================

எமனின் பினாமியாய்
சுனாமி!
உயிர், உடமை, சொந்தங்களை
சுருட்டிக்கொள்ள!

கடலில் மட்டுமா சுனாமி,
காவிரி, பாலாறு,
முல்லைப்பெரியாறிலும்
சுனாமி!

- வைகைத்தென்றல், மதுரை.
(தமிழ்நாடு)
=======================

முதலையுண்ட பாலகனை
உயிருடன் மீட்ட சுந்தரர்
எப்போது வருவார்…..?
பிள்ளைகளை சுனாமியில்
இழந்த
பெற்றோர்களின் ஏக்கம்!

- முருக. வெள்ளியங்கிரி,
திருப்பூர் (தமிழ்நாடு)
---------------------------

கிழக்கு திசை தாக்கிய சுனாமி
நெஞ்சில் வடுவாக!
மேற்கு திசையில் இன்னொரு சுனாமி’யாக
முல்லைப்பெரியாறு அணை..
நெஞ்சில் ரணமாக!

- எஸ். ராஜ்குமார், திருச்சி
(தமிழ்நாடு)
--------------------------

அப்போதே நினைத்தேன்,
நீ அழகு ஆழியல்ல,
அசுரப் பேய்தான் என்று!
உன் கோரக் கொப்பளிப்பில்
கொடுமையதை என்சொல்வேன்!

- மு. வேலாயுதம்,
டால்மியாபுரம்(தமிழ்நாடு)
============================

மீன்களின் பசிக்கு உயிர்கள் வேண்டி,
கடலன்னை
கரையை நோக்கி வீசிய வலை…
ஆழிப்பேரலை!

- க. இளையராஜ, சாத்துக்கூடல்
(தமிழ்நாடு)
---------------------------

கப்பலின் ஊஞ்சலாய்,
உப்புதரும் அமுதசுரபியாய்
காலமெல்லாம் இருக்கின்றாய்,..
தப்பு என்ன செய்தோம் நாங்கள்?
கடல் அன்னையே!
இப்புவியை அழிக்க வந்தாய்!

- கிரிஜா மணாளன்,
திருச்சி (தமிழ்நாடு)
-----------------------------

பிஞ்சு மழலைகளின்
பிணங்களை மடியில் ஏந்தி,
நெஞ்சு வெடித்துப் புலம்பும்
தாய்மார்கள்!
இரக்கமற்ற சுனாமியே!
மலையளவில் அலைகள்
மயானமாக்கியபோது,
உடமைப் பொருட்களை
பலிகொண்டதுதான் வேதனை!

இயற்கைகொண்ட
சில நொடி கோபம்,
உருவாக்கின நம்மில்
ஆறாத ரணங்கள்!

- கு. லட்சுமணன்,
புதுப்பட்டினம்.
தமிழ்நாடு.

====================

எங்கள் மனதை அள்ளவேண்டியவர்கள்
இங்கே
மணலை அள்ளுகிறார்கள்!
எங்கள் நல்வாழ்வை விரியச்செய்ய
வேண்டியவர்கள்
இருப்பதையும் சுருட்டுகிறார்கள்!
அள்ளுவதையும்
சுருட்டுவதையும்
அவர்களுக்கு சொல்லித்தந்த
ஆசிரியனா நீ
சுனாமி?

- கிரிஜா மணாளன்
-------------------------

சிங்கப்பூர் நண்பர் கவிஞர், சிங்கை தமிழ்ச்செல்வம் அவர்களின்
“கீழைநாட்டுக் கவிதை மஞ்சரி’ கவிதைத்தொகுப்பில், சுனாமி
பற்றி உலகளாவிய கவிஞர்கள் எழுதியுள்ள கவிதைகளில்
நான் ரசித்த வரிகள் இவை!
-------------------------------------

தீயிடம் உடலைக் கொடுத்து
தீர்ந்துபோன சாம்பலைக் கொடுப்பதனால்,
தீராப்பசியோ உனக்கு?
திரவத்தால் விழுங்கிவிட்டாய்!

- அ.நிஜாம்
--------------------------

பிஞ்சு மழலைகள்
பெற்றவள் மடியில் கிடக்க,
நெஞ்சம் வெடித்து உகுத்த கண்ணீர்
கொஞ்சமோ, கொடுங்கடலே?

- வ. சிங்காரவேலு.
---------------------------

கரம்கொட்டும் கவிதைக்குக்
கருவான ஆழி
கரைகடந்து பல லட்சம்
உயிர் குடித்த தந்தோ!
உரம்கொண்ட கடற்பசிக்கு
கடலோர மக்கல்
உயிர்ப்பறித்த சுனாமியின் தாய்,
உவர்க்கடலைப் பாடோம்!

- மு. சிங்காரவேலு.
-----------------------

நீரில் உருவெடுத்தாய் நிலத்தை நிலைகுலைத்தாய்!
பாரில் உன்செயலைப் பார்த்தோர் பரிதவித்தார்!
சீறி எழுந்தாயே, சீற்றம் மிகுந்தாயோ?
வீரியக் கடல்லலையே, வேதனை விளைத்தாயே!

செ. கதிரவன்
----------------------------

மீன்களுக்கு வலைவீசிய பலர்
கடல் வீசிய மாயவலையில்
தடம் தெரியாமல் மாண்டனர்!
ஓ சுந்தரரே!
இந்த அவல ஓலம்
உன் செவியில் படவில்லையோ?
அரக்க முதலை
விழுங்கிய உயிர்களை
மீட்க மாட்டாயோ?

- தே.பிரபாவதி
-------------------------

பிஞ்சு மழலைகள்
பெற்ரவள் மடிமுன் கிடந்தபோது
நெஞ்சைப் பற்றியெறிந்தது ஏன்?
பணக்குவியலையே
பார்க்காதவர்களைப்
பிணக்குவியலாக்கி விட்டாயே!

- வ. சிங்காரவேலு.
---------------------------

வாழ்வளித்த கடல்
வாங்கிய காவு ஏனோ?
பிள்லையிழந்த பித்தில்
தாயன்பின் கதறல்!
பொட்டிழந்த கோலத்தில்
மகளிரின் ஓலம்!
தாய்தந்தை பிணமாகிப்போக
தனிமைச் சிறையில் பிஞ்சுகள்!

- தைனீஸ்
----------------------------

பாவங்கள் மலிவதைப்
பார்க்கவிரும்பாத சீற்றமோ?
ஏன் தாயே?
இவ்வளவு நாட்கள்.....
உன்னில் வாழும் உயிர்களால்
உவப்புடன் எம் பசியாற்றினாய்!
உன் பசிக்கு இன்று
உண்வாய் நாங்களா?

- மு. ஜோதிலட்சுமி கார்த்திக்
திருச்சி, தமிழ்நாடு.

=================================

கடலும் பெண்ணும் ஒன்றுதான்,
ஆசை அலைகளைக்
கட்டுப்படுத்திக்கொள்வதிலும்,
கரைகடந்த கோபத்தில்
நிலைகடந்து கொப்பளிப்பதிலும்!

பட்டினிப் பசி தீர்த்து
குழந்தைகளாகிய எம்மை
பராமரிப்பதிலும்,
நீ ஒரு பாசமுள்ள அன்னை!

அதனால்தான் என்னவோ....
எதிர்காலத்தில் நாங்கள்
வறுமையில் சீரழிந்து
வாடிப்போகாமல்,
‘துலாபார நாயகி’யாய் வந்து
தூக்கிப்போனாயோ உயிர்களையெல்லாம்!

- ச. வளர்மதி, ஈரோடு
(தமிழ்நாடு)
==================================

ஆறாத காயம் தந்த ஆழிப்பேரலையே.......
தீராத அந்தவலி இன்னும் மாறலையே....!
ஆண்டுகள் உருண்டோடி ஆயிரம் ஆனாலும்..
இன்று நடந்ததாய் நம்முன் நிழலாடும்!
நீ கொண்டுசென்ற உயிர்களைக்
காணாமல் துடித்ததே ஊர் ஜனம்..
கண்டுவர தூதுவிட்டு கண்ணீர்க்குளம் கட்டி,
கரையிலே நிற்கிறதே தினம் தினம்..!
பல்லாயிரம் உயிர்களைக் குடித்தது உன் சினம்...
அதனால் குவிந்ததோ மலைஎன பிணம், பிணம்....!
திட்டம்போட்டு நீ பார்த்திருந்தாய்…உயிர்களை
திரட்டிச் செல்ல நீ காத்திருந்தாய்..
உறங்கும் வேளையிலே ஊருக்குள் ஏன் புகுந்தாய்?
கண்ணிமைக்கும் நேரத்திலே கயவனாய் ஏன் வந்தாய்?
பால்குடித்து உறங்கிய குழந்தையின்
பால்முகத்தைக் காணாமல்,
தாய் கிடந்து தவிக்கின்றாள்
தாளாத வேதனையால் !
தரைமீனாய் துடிக்கின்றாள்!
பச்சைக் குழந்தை ஒன்று
எச்சில் முத்தமிட தாய்முகத்தைத் தேடுது....
காணாத ஏக்கத்திலே உயிர்வற்றி வாடுது.....
கணவனை இழந்த மனைவி கதற,
மனைவியை இழந்த கணவன் பதற,
உடல்களைத் தேடி உறவுகள் சிதற,
நீமட்டும் அமைதியாய் அடங்க,
கண்ணீர் கூக்குரல் ஊரெங்கும் தொடங்க,
உயிரையும், உடமையும் உனதாக்கிக்கொண்டாய்.
இதில்என்ன இன்பம்நீ அன்று கண்டாய்?
கடல்காண வரும்போதெல்லாம் இதயம் திட்டித் தீர்க்கிறது.
அந்த நாளை நினைத்தால் மட்டும்
கண்கள் குருதியை வார்க்கிறது.
அறிவியல்கூட உன்னிடம் தோற்றது..
அன்பான உறவுகளை நாங்கள்
எப்போதுதான் மீட்பது?

- கு. தமயந்தி, கள்ளக்குறிச்சி
(தமிழ்நாடு)
==========================================

ஓர் புதிய அறிமுகம்!

2011-12-17T21:59:00.000-08:00

வண்க்கம்!

நமது 'குறுஞ்செய்திக் கவிஞர்கள் குடும்ப'த்தில் புதிய அங்கமாக் இணைந்திருக்கும் சகோதரி திருமதி கு. தமயந்தி (கள்ளக்குறிச்சி, தமிழ்நாடு) தனது கவிதையொன்றை, முதன்முறையாக இணையதளத்தின். வார்ப்பு.காம் கவிதைத்தளத்தில் பதிவிட்டுள்ளார். சிறப்பான அவ்ரது கவிதையை பாராட்டி, அவரது கவித்திறமை உலகளாவிய வாசகர்களையும் மகிழ்விக்குமென்ற நம்பிக்கையுடன் வாழ்த்தி. அக்கவிதையை இங்கே பதிவிடுகிறேன்.

- கிரிஜா மணாளன்
====================================================

2011 விட்டுச் சென்ற....
-----------------------------------

விட்டு சென்ற உன் நினைவை மட்டும்
உயிர் காற்றாய் சுவாசிக்கிறேன்
தொட்டு பேசும் அலைகரைப்போல்
எனக்குள் நானே தினம் பேசுகிறேன்
விழியால்பேசிய வெண்மதியே,
கசங்கிய காகிதமாய் எனை எறிந்தாய்.
முகிலுக்குள் முழுமதியாய் இன்று நீ மறைந்தாய்.
நம் கால்பட்ட இடமெல்லாம்,
கானலாய் தெரிகிறது-உன்
விரல் பற்றிய கரம் இன்று,
நெருப்பின்றி எரிகிறது.
எடுத்துக்கொள் உயிரை என்று நீ சொல்லி விட்டு
எங்கேயடி பறந்தாய்,எனை
கண்ணீரில் தள்ளி விட்டு.
மூச்சிமட்டும் இருக்கிறது,உயிர் என்னை வெறுக்கிறது,
உறக்கம் வர மறுக்கிறது.
உள்ளம் உன்னை கான துடிக்கிறது.
நீ விட்டு சென்ற சுவடு
நானாக...........
என் வாழ்நாள் போனதடி
உன்னால் வீணாக.................

கு.தமயந்தி,
கள்ளக்குறிச்சி. (தமிழ்நாடு)

சேலம் சுமதி கவிச்சோலை

2011-12-03T19:43:00.000-08:00

சேலம் சுமதி கவிச்சோலை

மீண்டும் வந்தது!

2010-12-16T05:50:00.000-08:00

மீண்டும் வந்தது!
---------------

தோளில்போட்டு நான் வளர்த்த
தனயனின் சிகிச்சைக்காக
மாதக்கணக்கில் மருத்துவமனையில்
தொலைந்துபோன என் தூக்கமும்
கலைந்துபோன என் நிம்மதியும்
குலைந்துபோன உடல்நலமும்
மீண்டும் வருமோவென நான்
மனம் குண்றி இருந்தபோது,
மருத்துவ அறிவியலும்
மகேசனின் திருவருளும் -என்
மகனைக் காப்பாற்றியதில்....
தொலைந்துபோன நிம்மதியும்
தூக்கமும், மகிழ்ச்சியும்
மீண்டும் வந்தது எனக்குள்ளே!

- எஸ், சுமதி, சேலம்
தமிழ்நாடு

2010-11-12T05:52:00.000-08:00

>காந்தியம்

பண்டிகைக் காலங்களில் மட்டுமே
நீயும் கதரும்
நினைவுக்கு வருகிறீர்கள்..
நீ மேல்சட்டையை
ஏழைகளின் நிலைகண்டு வருந்தி
துறந்தாய்,
இன்று...மேலாடைகள்,
விளம்பரத்துக்காகவும்
கவர்ச்சி அணிவகுப்புக்காகவுமே
களையப்படுகின்றன!
கொலையும், கொள்ளையும்
தலைவிரித்தாடுகின்றன!
'காந்தியம்' பேசிய உதடுகள்
இன்று
'கோட்சேயிஸம்" பேசுகின்றன!

கவிதாயினி சுமதி
சேலம், (தமிழ்நாடு)

எங்கள் நன்றி.

2010-09-13T21:22:00.000-07:00

அன்புடையீர், வணக்கம்.

12.09.2010 அன்று தமிழ்நாடு, திருச்சி மாநகரில் நிகழ்ந்த "குறுஞ்செய்தி (எஸ்.எம்.எஸ்) கவிஞர்கள், இதழாளர்கள் குடும்பச் சந்திப்பு சிறப்புடன் நடந்தது. 70 க்கும் மேற்பட்ட ஆர்வலர்கள் பங்கேற்ற இந்நிகழ்ச்சிக்கு தமிழ்நாட்டின் பல மாவட்டங்களிலிருந்தும் அன்பர்கள் வந்திருந்து சிறப்பித்தனர்.

திரு. அ.ச. அருள்முருகனின் "இதழியல் வளர்ச்சியில் குறுஞ்செய்தி இதழ்கள்" என்னும் நூல் திருச்சி ஈ.வெ.ரா. பெரியார் கல்லூரி தமிழ்த்துறை பேராசிரியர் முனைவர் வாசுதேவன் அவர்களால் வெளீயிடப்பட்டது. தொடர்ந்து, கவிஞர்கள், இதழாளர்கள் அறிமுகம், கவிதை வாசிப்பு, "பாரதியே! மீண்டும் பிறந்து வா!" என்னும் தலைப்பில் கவிதைப்போட்டி ஆகியவை நிகழ்ந்தன.

இப்போட்டியில் முதல் பரிசை அந்தியூர் கவிஞர் விநாயகமூர்த்தி அவ்ர்களும், இரண்டாம் பரிசை சேலம் கவிதாயினி திருமதி சுமதி அவர்களும், மூன்றாம் பரிசை திரு ஷ்ரீ காந்த் அவர்களூம் பெற்றனர்.

தொடர்ந்து, கவிஞ்ர்களின் பல்சுவை நிகழ்ச்சிகளும், கலந்துரையாடலும் நிகழ்ந்தன.

விழாவை சிறப்பாக நடத்த இடமளித்து உதவிய பாரதி மெட்ரிகுலேஷன் பள்ளி தலையாசிரியர் திரு. பாலு அவர்களுக்கு எஙகள் நன்றி. இதற்கு முன்நின்று உதவிய எங்கள் சக படைப்பாளர் திரு. ஆர். அப்துல் சலாம் அவர்களுக்கும், ஆலோசனைகளைத்தந்து உதவிய திரு. தி.மா.சரவணன் அவர்களுக்கும் எங்கள் மனமார்ந்த நன்றி.

விழவுக்கான பங்கேற்பாக நன்கொடையளித்து உதவிய அனைவருக்கும் எங்கள் நன்றி.

விரைவில் இத்தளத்தில் விழாவின் புகைப்படங்கள் வெளியாகும்.

அன்புடன்,

கிரிஜா மணாளன்
அ.ச.அருள்முருகன்.

குறுஞ்செய்தி (எஸ்.எம்.எஸ்) குடும்பத்தின் 4 வது சந்திப்பு மற்றும் ஆண்டுவிழா!

2010-09-07T22:24:00.000-07:00

குறுஞ்செய்தி (எஸ்.எம்.எஸ்) குடும்பத்தின் 4 வது சந்திப்பு
மற்றும் ஆண்டுவிழா!
நாள்: 12.09.2010 ஞாயிற்றுக்கிழமை
நேரம்: காலை 10 மணி முதல் மாலை 5 மணி வரை.
இடம்: பாரதி ஆங்கிலப்பள்ளி, மன்னார்புரம் - கருணாநிதி நகர் சாலை, திருச்சி 20.
தமிழ்நாடு.

நிகழ்ச்சிகள்:

குறுஞ்செய்திக் கவிஞர்களின் சுய அறிமுகம்
கவியரங்கம்
திரு. அ.ச. அருள்முருகனின் "இதழியல் வளர்ச்சியில் குறுஞ்செய்தி இதழ்கள்"
கவிதைத் திறனாய்வுநூல் வெளியீட்டு விழா.
இணையதளத்தில் குறுஞ்செய்திக் கவிஞர்களின் படைப்புகள் -
கலந்துரையாடல்
மற்றும்
நகைச்சுவை விருந்து.

தமிழகத்தின் பல மாவட்டங்களிலிருந்தும் படைப்பாளர்கள் கலந்துகொள்கிறார்கள்.

உங்கள் அனைவரையும் அன்புடன் அழைக்கின்றோம்.

- கிரிஜா மணாளன்

அன்புடன் வரவேற்கிறோம்!

2009-09-09T21:17:00.000-07:00

திருச்சி மாநகரில்....."குறுஞ்செய்தி" இதழாசிரியர்கள்/கவிஞர்கள் சந்திப்பு (SMS journals Editors & poets Meet - 2009 at Tiruchi)

2009-08-26T10:37:00.000-07:00

ஓர் மகிழ்ச்சியான அறிவிப்பு!
===============================
“குறுஞ்செய்தி இதழாளர்கள் (SMS இதழாசிரியர்கள்) மற்றும் படைப்பாளர்களின் சந்திப்பு நிகழ்ச்சி” வருகிற 13.09.2009 ஞாயிறுஅன்று, திருச்சி மாநகரத்தில் நிகழவிருக்கிறது.
தமிழ்நாட்டிலுள்ள “குறுஞ்செய்தி இதழாளர்கள்/ படைப்பாளர்கள்” (SMS journal editors & poets) அனைவரும் இதில் கலந்துகொண்டு, ஏனைய படைப்பாளர்கள்/இதழாளர்களைச் சந்தித்து மகிழவும், கலந்துரையாடல் நிகழ்ச்சியில் தங்கள் கருத்துக்களைப் பகிர்ந்துகொள்ளவும் இது ஓர் அரிய வாய்ப்பாக அமையுமென்று நம்புகிறோம்.

நிகழ்ச்சி: 13.09.2009 (ஞாயிறு) காலை 10 மணியிலிருந்து மாலை 4 மணிவரை.

நிகழ்ச்சிகள் நடைபெறும் இடம்: காஜாமியான் மேனிலைப் பள்ளி, (தமிழ்நாடு மின்வாரிய அலுவலகம் எதிர்புறம்) மன்னார்புரம், திருச்சி 620020.

ஹைக்கூ தொகுப்பு வெளியீடு: நமது கவிஞர்களின் ஹைக்கூ கவிதைகள் அடங்கிய தொகுப்பு அன்றைய சந்திப்பின்போது வெளியிடப்படவிருக்கிறது. குறுஞ்செய்தி இதழாசிரியர்களும், அவ்விதழ்களைச் சார்ந்த கவிஞர்களும் தங்களது படைப்புகளை SMS மூலம் அனுப்பிவைக்க வேண்டுகிறோம்.

மற்றும் விவரங்கள் விரைவில் இணையதளத்திலும், அலைபேசி குறுந்தகவல் வாயிலா கவும் அனைவருக்கும் அறிவிக்கப்படும்.

அழைப்பிதழ் பெறும் நண்பர்கள் அனைவரும் தங்கள் வருகையைப் பதிவுசெய்து எங்களது ஏற்பாடுகளுக்கு உதவுமாறு அன்புடன் வேண்டுகிறோம்.

ஒருங்கிணப்பாளர்கள் :

கிரிஜா மணாளன்
அலைபேசி: 9952422383)

அ. கௌதமன்
அலைபேசி: 9994368626)

(திருச்சி மாவட்டக் கிளை / உலகத்தமிழ் எழுத்தாளர் சங்கம்)

நமது கவிஞருக்கு "தமிழ்மாமணி" விருது!

2009-08-24T02:42:00.000-07:00

வாழ்த்துவோம்!
=============

நமது ‘உலகத்தமிழ் எழுத்தாளர் சங்கத்தின் - திருச்சி மாவட்டக்கிளை’யைச் சேர்ந்த
அன்பிற்குரிய, கவிஞர் திரு கொட்டப்பட்டு ப. சக்திவேலன் அவர்களுக்கு
தஞ்சாவூர் “தமிழ்த்தாய் அறக்கட்டளை” அமைப்பு, “தமிழ்மாமணி” என்னும் விருதினை அளித்துக் கௌரவித்துள்ளது என்பதை மகிழ்ச்சியுடன் அறிவித்துக் கொள்கிறேன்.

அண்மையில் திருச்சி தமிழ்ச்சங்க அரங்கில் நடந்த நிகழ்ச்சியொன்றில் பாரதிதாசன் பல்கலைக்கழக துணைவேந்தர் திரு பொன்னவைக்கோ அவர்கள் கவிஞருக்கு இந்த விருதினை வழங்கி வாழ்த்தினார்.

நமது அமைப்பிலுள்ள அனைத்து உறுப்பினர்கள் சார்பாக அவருக்கு நமது நல்வாழ்த்துக் களைத் தெரிவித்துக்கொள்கிறேன்.

அவரது தொடர்புக்கு, அலைபேசி எண்: 9443638947

- கிரிஜா மணாளன்
செயலாளர் / திருச்சி மாவட்டக்கிளை
உலகத்தமிழ் எழுத்தாளர் சங்கம்
திருச்சி 620 021, (தமிழ்நாடு)

சுமை!

2009-08-23T07:57:00.000-07:00

சுமை!
======

ஒற்றை விரலில் மலை சுமந்த
கண்ணனும் பின்வாங்குவான்,
புத்தகப் பொதி சுமக்கும்
எங்கள் பிள்ளைகளின்
முகச்சுழிப்பு கண்டு.

- ப. தியாகு (9659906769)
கோவை, தமிழ்நாடு.
Email: pa.thiyagu@yahoo.in

2009-08-12T07:05:00.000-07:00

சுமை!
=====

கங்காருவைப்போல் நான்
தூக்கிச் சுமந்த துக்கங்கள்
தாமாகவே விடைபெற்றுக்கொள்கின்றன
உன் மடியில் என்னை நீ
ஏந்திக்கொள்ளும்போது.

- ப. தியாகு (9659986769)
கோவை, தமிழ்நாடு.

---------------------------------------
தவம்
====

ஒற்றைக்காலில் தவமிருக்கும் கொக்கு
நதிக்கரையில்
நீருக்காக.

- ஆர். நாகராஜ் (9965015776)
மதுரை. தமிழ்நாடு.

-------------------------------------

உயிர்!
=====
ஒவ்வொரு உயிரற்ற
பொம்மைகளிடமும் இருக்கிறது
குழந்தைகளின் உயிர்.

- வெ.ராம்குமார் (9865244918)
வேலூர், தமிழ்நாடு.
------------------------------------

சர்வதேச இளைஞர்தினக் கவிதை
===============================

முடிந்தால் முடியும்!
===================
இளைஞனே!
உன்னால் முடியும்,
எதையும் வெல்வதற்கு!
சகோதரனே!
உன்னால் முடியும்,
எதையும் சந்திப்பதற்கு!
உன் கையில் உளி எடுத்து
கருத்தோடு நீ
கல்லை உடைத்தால்,
கல்லும் கலைச்சிற்பமாய் உருவெடுக்கும்!
உருக்கொடுக்கும் உன்
சாதனைக்குக் கைகொடுக்கும்!

- கவிதாயினி தே. ரம்யா
கொட்டக்குளம் (திருவண்ணாமலை)
தமிழ்நாடு.
======================================

"கவிதைநூல் வெளியீட்டு விழா"

2009-07-27T01:53:00.000-07:00

அன்புடையீர், வணக்கம்.

கவிஞர்கள் செல்வராஜா, திருமயம் பெ. பாண்டியன், வேலூர் வெ. ராம்குமார், வைகை ஆறுமுகம் ஆகியோரின் கவிதைகள் அடங்கிய....

"கொஞ்சம் கவிதைகளும், மிச்சமிருக்கும் வார்த்தைகளும்"

கவிதைநூல் வெளியீட்டு விழாவிற்கு உங்களை அன்புடன் அழைக்கிறோம்.

நாள்: 02.08.2009 ஞாயிறு
இடம்: சேலம், தி லிட்டரரி சொசைட்டி (பேலஸ் திரையரங்கம் அருகில்)
நேரம்: காலை 10.00 to 12.00.

அனைவரையும் அன்புடன் அழைக்கிறோம்.

- அ, கார்த்திகேயன் அமைப்பாளர், "இனிது இலக்கிய வட்டம்"
சேலம்.

கவிதைக்காக.......

2009-07-25T09:58:00.001-07:00

கற்களை இட்டு நீர் உயர்த்திய
காக்கையின் அறிவோடு,
சொற்களை இடுகிறேன்
ஒரு கவிதைக்காக.
சமயங்களில்,
விரிசல் விழுந்த பாத்திரமாய்
மனம்.

- ப. தியாகு (9843187331)
கோவை. தமிழ்நாடு.

வரம்!

2009-07-22T23:43:00.000-07:00

மரங்களின் ஒற்றைக்கால் தவத்தில்
வரமாய்க் கிடைத்தது
மனிதருக்கு நிழல்.

- பா. தியாகு (9659906769)

(நன்றி: RAGA SMS இதழ்/23.07.09)

பலி!

2009-07-22T09:45:00.000-07:00

யாருக்கோ தோஷம்,
உயிர் இழந்தது
வாழைக் கன்று!

- செல்வி. தே.ரம்யா
கொட்டக்குளம், திருவண்ணாமலை
தமிழ்நாடு.

பார்வையற்று......!

2009-07-20T23:30:00.000-07:00

கருவறையில் இருந்தவரையில்
கண்டதில்லை வெளிச்சத்தை நான்,
பிறந்த பிறகும் வாழ்கிறேன்....
குருட்டுப் பெண்ணாக.

- ஜெயந்தி குமாரி
ஒக்கனூர், தமிழ்நாடு.

குங்குமம்!

2009-07-20T23:20:00.000-07:00

நாற்புறமும் மஞ்சள் தடவி
ஊர் ஊராய்ப் பயணிக்கிறது
என் ஜாதகம்,
என் நெற்றி வகிட்டில்
குங்குமத்திற்காக!

- பிரேமா (9994449449)

(நன்றி: "விகடகவி" இதழ்
"பரவசம்" SMS.

SMS இதழ்களின் ஆசிரியர்களுக்கு அன்பான வேண்டுகோள்11

2009-07-13T09:39:00.001-07:00

வணக்கம்.

நாள்தோறும் பற்பல கவிஞர்களின் படைப்புகளை அலைபேசி குறுந்தகவல் வாயிலாக நூற்றுக்கணக்கான நண்பர்களுக்கு வழங்கும் உங்கள் கலைப் பணியைப் பாராட்டுகிறேன்.
உங்கள் அனைவரைப் பற்றிய முழு விவரங்களை இத்தளத்தில் பிரசுரித்து, வாசகர்களையும் மகிழ்விக்க விரும்புவதால், உங்களைப் பற்றிய விவரங்களை எனக்கு அனுப்பி உதவுமாறு அன்புடன் வேண்டுகிறேன்.

இவை கீழ்க்காணும் எனது புதிய தளத்தில் பிரசுரிக்கப்படும்.

www.smspoets-tamil.blogspot.com

- கிரிஜா மணாளன்

கவிதாயினி சி. கலைவாணிக்கு பிறந்தநாள் வாழ்த்துக்கள்!

2009-07-11T07:17:00.000-07:00

இன்று (11.07.2009) பிறந்தநாள் காணும் சகோதரி சி. கலைவாணிக்கு எங்கள் "அன்புடன் குழுமம்" நண்பர்கள்/கவிதை வலைத்தளங்கள்/அலைபேசி கவிஞர்கள் அனைவரின் சார்பில் நல்வாழ்த்துக்கள்!

- கிரிஜா மணாளன்

உனது கொலுசு!

2009-07-07T22:41:00.001-07:00

போட்டியென்று இனி யாருமில்லையென
உற்சாகத்தில் திளைத்தன,
என்னவளின் கொலுசு
தொலைந்துபோனதை
எப்படியோ தெரிந்துகொண்ட
குயில்கள்!

- ஜே திவாகர் (9789630584)
பொன்னூர், தமிழ்நாடு.

(நன்றி: RAGA SMS)

செல்வி கலைவாணிக்கு SMS கவிஞர்களின் பாராட்டுக்கள்!

2009-07-05T09:57:00.000-07:00

வணக்கம்.
"சுவாமி விவேகானந்தா விருது" பெற்றுள்ள செல்வி சி. கலைவாணியைப் பாராட்டி எங்கள் "உலகத்தமிழ் எழுத்தாளர் சங்க" உறுப்பினர்களும், நாள்தோறும் அலைபேசி வழியாக எனக்குக் கவிதைகளை அனுப்பிவரும் இளங்கவிஞர்களும் பாராட்டுக்களைத் தெரிவித்துள்ளனர்.

அனைவருக்கும் எனது நன்றி.

- கிரிஜா மணாளன்
செயலாளர்/திருச்சி மாவட்டக்கிளை
உலகத்தமிழ் எழுத்தாளர் சங்கம்
திருச்சி 620021.

"சுவாமி விவேகானந்தா விருது" பெற்றுள்ள செல்வி சி. கலைவாணி

2009-06-30T07:23:00.000-07:00

இவர் நமது கவிதைத் தளத்திலும், பிற தளங்களிலும் தொடர்ச்சியாக தனது கவிதைகளை வழங்கி, வாசகர்களை மகிழ்வித்துவரும் செல்வி சி. கலைவாணி (அரியூர், வேலூர் மாவட்டம்)
பள்ளியிலும். கல்லூரியிலும் ஏராளமான பரிசுகளைப் பெற்றுள்ள இவர், இப்போது "மதுரை பாரதி யுவ கேந்திரா" அமைப்பு வாயிலாகவும் "சுவாமி விவேகானந்தா விருது" பெற்றுள்ளார் என்பதை மகிழ்ச்சியுடன் தெரிவித்துக்கொள்கிறேன்.

செல்வி சி. கலைவாணிக்கு என் சார்பிலும், எங்கள் "உலகத்தமிழ் எழுத்தாளர் சங்கத்தின் திருச்சி மாவட்டக் கிளை சார்பிலும் எனது வாழ்த்துக்களைத் தெரிவித்துக் கொள்கிறேன்.

- கிரிஜா மணாளன்
செயலாளர்/திருச்சி மாவட்டக் கிளை
உலகத்தமிழ் எழுத்தாளர் சங்கம்
திருச்சி 620 021.

யுவஸ்ரீ கலாபாரதி விருது.

2009-06-30T07:12:00.001-07:00

இசை, பரதநாட்டியம், விளையாட்டு, ஓவியம், யோகா, UC MAS, ABACUS மற்றும் பிற துறைகளில் பரிசு பெற்ற மாணவ, மாணவியருக்கு ஆண்டுதோறும் மதுரை, பாரதி யுவகேந்திரா அமைப்பு வழங்கிவரும் "யுவஸ்ரீ கலாபாரதி" விருது பற்றிய அறிவிப்பு இது.

- கிரிஜா மணாளன்

தோழன்!

2009-06-26T09:13:00.000-07:00

அடம்பிடித்து அழுகிறது மனம்
அமைவது கடினமென்றாலும்,
துயரம் வரும் தருணங்களிலும்
துன்பம் தொடரும் வேளைகளிலும்
தோள் சாய்த்து ஆறுதல்பெற
தோழனொருவன் வேண்டுமென்று!

- சி. கலைவாணி
அரியூர், திருவண்ணாமலை
தமிழ்நாடு.

மணம்!

2009-06-26T09:08:00.000-07:00

மணம்!
---------
மண்ணில் மணம் வீசும்
மலர்களைவிட
என்னுள் மலர்ந்த உன்
இடைவிடாத காதல் மணம்
அண்டவெளியிலும்கூட
ஆக்ரமித்து வீசுகிறது!

- சி. கலைவாணி
அரியூர், திருவண்ணாமலை
தமிழ்நாடு.

கனவுக் கோட்டை!

2009-06-25T23:45:00.000-07:00

புதுப்பிக்க முயன்று தோற்றுப்போகிறேன்
உன்னால் இடித்துத் தள்ளப்பட்டு
விழுந்துகிடக்கும்
என் கனவுக் கோட்டையை.

- சி. கலைவாணி
அரியூர், வேலூர் மாவட்டம்,
தமிழ்நாடு.

சிதறல்!

2009-06-25T09:36:00.000-07:00

விபத்தில் சிக்கி
சுயநினைவிழந்து
இடமாற்றமாகிவிட்டது
இரு இதயங்கள்.
நேருக்கு நேர் மோதிக்கொண்ட
கண்களின் கவனச் சிதறலால்!

- தே. ரம்யா,
கொட்டக்குளம், திருவண்ணாமலை
தமிழ்நாடு.

மௌனம்.

2009-06-25T09:24:00.000-07:00

ஆயுதங்களோடுதான் நிற்கிறேன்
இருந்தும் துளைத்துவிடுகிறது என்னை
உன் மௌனம்.

- கவிஞர் அமீர்ஜான் (9840954846)

என்று தணியுமிந்த ஏக்கப் பெருமூச்சு?

2009-06-13T07:14:00.000-07:00

வாழ்வாதாரமே
கேள்விக்குறியாய்
வளமான எதிர்காலமே
கானல்நீராய்
கனன்ற இதயத்துடனும்
குருதி சிந்தும்
கண்களுடனும்
புண்பட்ட ஈழத்தமிழரின்
புலம்பலும் பெருமூச்சும்
என்றுதான் தணியும்?

அடித்து நொறுக்கப்பட்டது
அகிம்சையைப் போதித்த
புத்தபிரான் திருக்கோயில்!
ஆதரவைத் தேடி ஈழத்து வீதிகளில்
அம்மகானே அலையும் நிலை!

சத்தியம் ஈழத்தில்
சாகடிக்கப்பட்டதால்
புத்தநெறிகளே அங்கே
புண்பட்டுப் போனது!

துடிதுடித்துச் சாவோரின்
துயரப் புலம்பலோடு
குடிதண்ணீர் குழாய்கள்கூட
குருதியாய் வடிக்கிறது!

வெறியாட்டம் ஆடுகின்ற
வேங்கைகளாய் சிங்களர்கள்
தறிகெட்டு அலைந்தபடி
தமிழ் இரத்தம் பருகுகின்றார்!

இறந்து கிடக்கும் ஈழத்தாய்களின்
இரத்தம் வடியும் மார்புகளில்
குழந்தைகள் வாய்வைத்து
குருதியைத்தான் பருகும் நிலை!

எங்கெங்கும் மரண ஓலம்
எதிரொலிக்கும் மயானபூமியில்
தங்கிடுமோ ஓருயிரேனும்
தமிழீழம் மலரும் நாளில்?

- கலைத்தாமரை ராஜேஸ்வரி
மதுரை-20.

கவிஞர் அருணாசலசிவாவின் "பொன் விசிறி" ஹைக்கூ நூல் வெளியீட்டு விழா.

2009-05-26T02:04:00.000-07:00

அனைவரையும் அன்புடன் அழைக்கிறோம்!

- கிரிஜா மணாளன்

கவிஞர் ஏகலைவனின் சீரிய முயற்சி!

2009-04-26T09:32:00.000-07:00

தமிழிலக்கிய உலகில், உடற்குறையுற்ற படைப்பாளிகள் மற்றும் கவிதை ஆர்வலர்கள் ஆங்காங்கே விரவியிருப்பதை பல சமயங்களில் உணர்ந்திருக்கிறேன். படைப்புத்திறன் கொண்ட இத்தகைய திறமையாளர்களை ஒருங்கிணைத்து, ஒரு கூட்டுக் கவிதைத் தொகுப்பை வெளியிடவேண்டும் என்பது
என் எதிர்கால விருப்பம். பல புதிய கவிஞர்களை உலகிற்கு அறிமுகப்படுத்தவிருக்கும் அம்முயற்சி ஈடேறும் நாளை எண்ணியபடி என் எழுத்துப் பயணத்தைத் தொடர்கிறேன்.

அன்புடன்,

கவிஞர் ஏகலைவன். (9944391668)
சேலம், தமிழ்நாடு

பூவும் பொட்டும்!

2009-04-25T16:56:00.000-07:00

இறந்த கணவனின்
படத்துக்குப் போனது
அவளது பூவும், பொட்டும்.

- எஸ். ராஜ்குமார் (9944848801)
கருமண்டபம், திருச்சி,
தமிழ்நாடு.

பிரமிடுகள்

2009-04-25T16:51:00.000-07:00

ரசிக்கமுடியவில்லை
அடிமைகளின் உழைப்பை,
பிரமிடுகள்.

- வி.ம. செல்வகுமார் (9942198018)
செய்யாறு. தமிழ்நாடு.

மரம்!

2009-04-25T16:45:00.000-07:00

உழைப்பென்னும் விதையூன்றி
விடாமுயற்சியெனும் நீரூற்றி
தன்னம்பிக்கையெனும் உரமிட்டு
தளிர்விட்டு வளரும்
வளமான வாழ்க்கையெனும்
மரம்...நமக்கு வரமாக!

- சி. கலைவாணி
அரியூர், வேலூர் மாவட்டம்
தமிழ்நாடு.

மழலைச் சிரிப்பு!

2009-04-25T16:38:00.000-07:00

ஒவ்வொரு முறையும்
தோற்றுப்போகிறேன்
ஏதாவதொரு குழந்தையின்
அழகானச் சிரிப்பில்!

- பாலா (9944346601)
ஈரோடு, தமிழ்நாடு.

ஜோசியக் கிளி!

2009-04-25T09:32:00.000-07:00

யாரிடம் கேட்கும்
தன் எதிர்காலம் பற்றி,
ஜன்னல் வைத்த சிறையில் சிக்கி
சீட்டெடுத்துப் போடும் அந்த
ஜோசியக் கிளி?

- தே. ரம்யா
கொட்டக்குளம், திருவண்ணாமலை
தமிழ்நாடு.

கோபங்கள்!

2009-03-27T08:44:00.000-07:00

கிள்ளிக் கிள்ளி எறிகிறேன்
கொழுந்துகளை
மீண்டும் மீண்டும்
துளிர்க்கின்றன விரைவில்.
வேரறுக்கவும் முடியவில்லை
வெட்டியெறியவும் முடியவில்லை...
உரமாக என்னை
சிறுகச் சிறுக விழுங்குகின்றன
என் கோபங்கள்!

- தே. ரம்யா
கொட்டக்குளம் (திருவண்ணாமலை)
தமிழ்நாடு.

நாட்காட்டி!

2009-03-26T09:42:00.000-07:00

தினமும் மகிழ்ச்சியாக
நாட்காட்டியின்
தாளைக் கிழிக்கிறேன்..
நமக்கும் பூமிக்குமுள்ள
தொடர்பு
குறைவது அறியாமல்.

- பரவை பாரதி
பரவைக்கோட்டை
தமிழ்நாடு

2009-03-24T07:59:00.000-07:00

மனிதனே! மனிதநேயம் காக்க
உனக்கேன் தயக்கம்?
மறந்து, மறைந்துபோகும்
மனிதநேயம் மலர,
உனக்குள் வளரட்டும்
நல்வழக்கம்!
போதைப் பொருளில்
உனக்கேன் மயக்கம்?
நீ விழித்தெழுந்து
தயக்கத்தை தகர்த்தெறி!
உன்னைக் கண்டு விழித்தெழும்
இந்த பூமி!

- தே. ரம்யா, கொட்டக்குளம்,
(திருவண்ணாமலை)தமிழ்நாடு.

அசோகமரம்!

2009-03-23T09:40:00.000-07:00

வீரனைப் புதைத்த இடம்
விறைப்பாய் வளர்ந்தது
அசோக மரம்!

- கே.ஏ. ராமலிங்கம் (9940771501)
சிறுவந்தட்டு (விழுப்புரம்), தமிழ்நாடு.

தீக்குச்சி!

2009-03-22T23:24:00.000-07:00

எரிக்கப்படுவோம் என்றாலும்
விரைப்பாக முன்நிற்கும்
தீக்குச்சி!

- ராமலிங்கம் (9940771501)

"உலக வானிலை தின"க் கவிதை.

2009-03-22T23:09:00.000-07:00

வெப்பமாகும் பூமி
வேறுபடும் பருவநிலை
வேதனையில் மக்கள் நிலை!

-
கவிஞர் அ. கௌதமன் (9994368626)
திருச்சி, தமிழ்நாடு.

கருமேகம்!

2009-03-22T01:23:00.000-07:00

யார் திட்டியது?
கருத்துக் கிடக்கிறது
மேகத்தின் முகம்!

- சி. கலைவாணி, அரியூர்.
(வேலூர் மாவடடம்) தமிழ்நாடு.

இறைவனின் வேடம்!

2009-03-13T06:49:00.000-07:00

வரம் கேட்கும் நோக்கில்
ஆலயம் சென்றேன்..
என்னைக் கர்ணன் ஆக்கக்
காத்திருந்தார் வாயிலில் கடவுள்,
வேடம் தரித்து.

- கவிஞர் யாழி, (9976350636)
கோவை, தமிழ்நாடு.

ஆறாம் அறிவு?

2009-03-06T08:01:00.000-08:00

ஐந்தறிவை மிஞ்சியது
ஆறறிவு,
பறவை விதைத்த மரத்தை
பகுத்தறிவற்று வெட்டினான்..
ஆறாம் அறிவை
அடகுவைத்து!

- தே.ரம்யா
கொட்டக்குளம், தமிழ்நாடு

"கவிஞர் கோவை யாழி"யின் கவிதைகள்

2009-03-06T07:42:00.000-08:00

சமூகம் என்மீது உடுத்திய
ஆடைகளைக் கிழித்திட்டு
அம்மணமாகிறேன் நான்,
அழகாய் அன்பொழுகச் சிரிக்கும்
குழந்தையென
என் ஆன்மா.

----------------------------
புரிதலற்றவர்களால்
பரிகசிக்கப்படலாம்
வார்த்தைகளைப் புதைத்து
உணர்வுகளைப் பிரசவிக்கும்
நம் அன்பு.

-----------------------------
பாதுகாப்புக்கென வெட்டப்பட்ட
பதுங்கு குழிகள்..
பாரதம் கைவிட்டதால்
புதைகுழிகளாயின!

-----------------------------
காயம்பட்ட மூங்கிலில் நுழைந்து
வெளியேறுகிறது காற்று,
வாழ்வியல் சூத்திரங்களை
வாசித்துக் காட்டியபடி.

------------------------------

- கவிஞர் கோவை யாழி (9976350636)
கோவை, தமிழ்நாடு.

நானும்கூட...!

2009-03-02T22:50:00.000-08:00

'நானும் ஒரு இயேசுதான்!'
பெருமைப்பட்டது
'பீனிக்ஸ் பறவை".

- 'கலைத்தாமரை' (ராஜேஸ்வரி)
மதுரை 625 020

"மனிதநேயம்" - கவிதைகள்: தே.ரம்யா

2009-02-28T08:17:00.000-08:00

சாலையில் எதிரே ஒருவன்
இரத்தவெள்ளத்தில் துடிக்கும்போது
கண்களை மூடிக்கொண்டு
சுயநலமாய்ப் பயணம் தொடரும்
மனிதர்களிடையே
மரித்துப்போனது
'மனிதநேயம்'!.

---------------------------
போதை வஸ்துவை
உடலில் புகுத்தி
பெண்களின் கற்பை
கரன்ஸியில் பறிக்கும்
கயவர்களிடம்
கசங்கியே காயப்பட்டுக்
காணாமற்போனது
"மனிதநேயம்'!

---------------------------
தன் இனத்தைத்
தானே அழிக்கும் அவலம்,
நேயம் மறந்த நரகர்களால்,
வெடித்த தீவிரவாதத்தால்
சிதறியேபோனது
"மனிதநேயம்"!

---------------------------------
தின்று துப்பிய கரும்புகூட
எறும்புக்கு சிறு பசியாற்றும்
மாளிகையில் வாழ்ந்தாலும்
மனிதநேயம் மறந்த
மனிதர்களால்
சிறு எறும்பும்
வேதனைப்படும்.

-----------------------------
சிறுகச் சிறுக அரித்துப்போகிறது
சுயநல செல்கள்
மனிதனுள் வளர்ந்த
மனிதநேயம்
முழுவதும் அரித்துவிட்டால்
நாளை மிஞ்சுவது
வெற்றுடல் மட்டுமே!

-----------------------------

- தே. ரம்யா
கொட்டக்குளம், தமிழ்நாடு.

'துப்பட்டா'வின் துயரகீதம்!

2009-02-13T08:49:00.000-08:00

சுடிதாரின் 'உடன் பிறப்பான' துப்பட்டா,
தன் சோகத்தை
வெளிப்படுத்துவதுபோல்
அமைந்த 'ஒப்பாரி' பாடல்.
----------------------------------------

துப்புக் கெட்டத் தனமாத்தான்
"துப்பட்டா'வா பொறந்துட்டேன் - என்னெ
தப்புத் தப்பா உடுத்திக்கிட்டு
தறிகெட்டு அலையுதுங்க........

மடிசாரா பொறந்துருந்தா
மாமிகள கவர்ந்துருப்பேன்!
சுடிதாரு ஒடன்பொறந்து
சொகங்கெட்டுப் போனேனே......

கோவணமா பொறந்துருந்தா
கோடிபேரு மானம் காப்பேன் - இந்த
பாவசென்மம் எடுத்துப்புட்டு
பவுசுக் கெட்டு நிக்கறேனே......

மாருமேல போட்டுக்கிட்டா
மானந்தான் காத்துடலாம் - சும்மா
'பேருக்கு'ப் போட்டுக்கிட்டா
பெரயோசனம் ஏதுமில்லே....

கழுத்தச் சுத்தி போட்டுக்கிட்டு
கண்ட ஸ்டைலு பண்ணுதுங்க.. எவனும்
இழுத்துக்கிட்டு போறதுக்கு
எடங்குடுத்தா என்னாவும்?

கண்ட கண்ட எடத்துலெல்லாம்
கட்டிக்கிட்டு அலயறீக....-அத
காணச் சகிக்கலேம்மா - ஒங்க
கண்றாவி நாகரீகம்!

உக்காரும் எடத்துலெல்லாம்
ஒட்டிக்கிற தூசித் தட்ட
'துப்பட்டா' நானென்ன
'தொடப்பமா' ஒங்களுக்கு......?

பின்னால தொங்கவுட்டா
'பெரயோசனம்' இல்லேயம்மா..
தன்னால தெரிஞ்சிக்கணும்..- நா
'தண்டோரா' போடமாட்டேன்.....!

தாவணிய மறந்தீக
நம்ம தமிழ்நாட்டு பொண்ணுகள்ளாம்
பாவமாத்தான் இருக்கு - உங்கள
பாக்கறவன் பார்வையால!

முந்தானையும் தாவணியும்
முழுசா மறந்தாச்சு - இப்போ
எந்த பொண்ணும் அதுகளத்தான்
ஏறெடுத்தும் பாக்கறதில்லே!

பொண்ணோட மானங்காக்கும்
பொறுப்புக்கு நானிருக்கேன் - அத
எண்ணாம திரியுறீக
இந்தக்கால பொண்ணுங்கள்லாம்...

கெட்ட காலம் பொறந்துடுச்சி
கேடுகெட்ட ஒலகத்துல - இவுக
பட்டாத்தான் புத்திவரும்
பாக்கத்தானே போறேன் நா!

===========================
- கிரிஜா மணாளன்

(Google "அன்புடன் குழும"த்தில் வெளியான
என் படைப்பு)

www.groups.google.com/group/anbudan

கவிஞர்களுக்கு அன்பான வேண்டுகோள்!

2009-02-04T06:25:00.000-08:00

வணக்கம்.

எனது அலைபேசி 99940966667 தற்போது செயல்படாமலிருப்பதால், புதிய அலைபேசியின் எண்ணை இவ்வார இறுதிக்குள் அறிவிக்கிறேன். அதுவரை, இத்தளத்துக்குத் தங்கள் படைப்புகளை அனுப்பும் அன்பர்கள் அஞ்சலட்டையில் எழுதி, கீழ்க்காணும் முகவரிக்கு அனுப்புமாறு வேண்டுகிறேன்.

கிரிஜா மணாளன்
3, பாண்டியன் சாலை, ஆனந்தநகர்,
திருச்சி 620021.

உங்கள் ஆர்வத்துக்கும், ஆதரவுக்கும் நன்றி!

அன்புடன்....

- கிரிஜா மணாளன்

துளிப்பாக்கள்.

2009-02-03T08:57:00.000-08:00

கண்ணீர்!
========

இதயத்திலிருந்து வழிந்தாலும்
நடிப்பென்றே ரசிக்கப்படும்
நடிகையின் கண்ணீர்.

------------------------
தளிர்கள்!
========

நேற்று வெட்டிய கிளைகளில்
இன்று மீண்டும்
புதிய தளிர்கள்!

- வடுவூர். சிவ. முரளி (9842846859)
புலிவலம். திருச்சி மாவட்டம்
தமிழ்நாடு

"சிறந்த நூல்களுக்கான சிறப்புப் பரிசு" பெற்றுள்ள எங்கள் படைப்பாளர்களைப் பாராட்டுகிறோம்!

2009-01-18T03:31:00.000-08:00

"திருச்சி மாவட்ட நலநிதிக் குழு" ஆண்டுதோறும், மாவட்டத்திலுள்ள எழுத்தாளர்களின் சிறந்த நூல்களுக்கு சிறப்புப் பரிசுகளை வழங்கி, கௌரவித்து வருகிறது.
அதன்படி, 2007, 2008 ஆண்டுகளுக்கான சிறந்த நூல்கள் பரிசீலனை செய்யப்பட்டு, 17.01.2009 அன்று திருச்சி மாநகரில் தமிழக அரசு சார்பில் நிகழ்ந்த "பொங்கல் கலைவிழா"வில் தமிழக போக்குவரத்துத் துறை அமைச்சர் மாண்புமிகு கே.என். நேரு அவர்கள் எழுத்தாளர்களுக்குப் பரிசுகளை வழங்கி. பொன்னாடை அணிவித்து கௌரவித்தார்.

இவ்விழாவில் எங்கள் "உலகத்தமிழ் எழுத்தாளர் சங்கத்தின், திருச்சி மாவட்டக் கிளையின் உறுப்பினர்களான கீழ்க்காணும் படைப்பாளர்கள் பரிசுகளைப் பெற்றுள்ளார்கள் என்பதை மகிழ்ச்சியுடன் தெரிவித்துக்கொள்கிறேன்.

சிறந்த சிறுகதை நூல்:

முதல் பரிசு: ரூ5000/- திரு. ஆங்கரை பைரவி சிறுகதை நூல்: "பின்னிருக்கையில் ஒரு போதி மரம்')

சிறந்த கவிதை நூல்:
இரண்டாம் பரிசு: ரூ. 3000/- திரு. கொட்டப்பட்டு சக்திவேலன் (கவிதை நூல்: "மனிதா! மனிதா!)

ஊக்கப் பரிசு: ரூ. 1000/- திருமதி. "ரத்திகா" (கவிதை நூல்: தேய்பிறையின் முதல் நாளிலிருந்து..)

சிறந்த சிற்றிதழ்:

இரண்டாம் பரிசு: திரு. த. சந்திரசேகரன் (ஆசிரியர் - "இனிய நந்தவனம்' மாத இதழ்)

------------------------------------------------------------------------------------
அனைவரையும் வாழ்த்துகிறோம்!

- கிரிஜா மணாளன்
செயலாளர் / திருச்சி மாவட்டக் கிளை
உலகத்தமிழ் எழுத்தாளர் சங்கம்
திருச்சி 620021.

மின்னஞ்சல்: girijamanaalanhumour.gmail.com

வலி?

2009-01-14T20:17:00.000-08:00

குளத்தில் நீராட்டி
கொம்புக்கு வண்ணம் தீட்டி
அலங்கரிக்கும் முதலாளிக்குத்
தெரியுமா....
முரட்டுத்தனமாய் முன்பொரு நாள்
பிரம்பால் அடித்து
மாட்டின் முதுகில் ஏற்படுத்திய
காயத்தின் வலி
இன்னும் தொடர்வது?

- அ. ராஜீவ் காந்தி (9786098440)
செய்யார், தமிழ்நாடு.

பொங்கல் நன்னாள் வாழ்த்துக்கள்!

2009-01-12T08:28:00.000-08:00

அனைவருக்கும் எனது பொங்கல் நன்னாள் வாழ்த்துக்கள்!

- கிரிஜா மணாளன்
Editor

பாவக்கணக்கு!

2009-01-11T00:02:00.000-08:00

கோயில் வாசலில் கையேந்தி
யாசிக்கும் இரவலனைப் புறக்கணித்து
கோயில் உண்டியலில்
கொண்டுபோய்ச் சேர்த்தேன்
என் காணிக்கையை.
கடவுள் கண்சிமிட்டிச் சிரித்தபடி
வரவு வைத்துக்கொண்டார்
என் கணக்கில்
இன்னொரு பாவத்தை!

- ஏ. சரவணராஜ் (9943332116)
கோவை, தமிழ்நாடு.

கவிஞர் அ. ராஜிவ் காந்தியின் கவிதைகள்.

2009-01-08T04:25:00.000-08:00

1. காரணமின்றி நிகழ்கிறது தொடர்கொலைகள்
என் காலுக்கடியில் சிக்கும்
எறும்புகளாய்.

2. எந்த போகியிலும் கொளுத்தப்படுவதேயில்லை
மனிதர் மனதில் குவிந்து கிடக்கும்
குப்பைகள்.

கவிஞர் அ.ராஜிவ் காந்தி அவர்களின், "முதுமை" என்ற இக்கவிதை "அன்புடன் குழுமம்" (கூகுள் இணையதளம்) பார்வைக்கு வைக்கப்பட்டு, அக்குழும நண்பர்கள் பலரது பாராட்டுக்களைப் பெற்றுள்ளது என்பதை மகிழ்ச்சியுடன் தெரிவித்துக்கொள்கிறேன்.

- கிரிஜா மணாளன்

விளை நிலங்கள்!

2009-01-02T17:13:00.000-08:00

அறுவடை முடிந்ததும்
விற்பனைக்கு வந்தன
வீட்டு மனைகளாக
விளைநிலங்கள்!

- சி. கலைவாணி
அரியூர், வேலூர், தமிழ்நாடு.

காலம்!

2008-12-27T23:27:00.000-08:00

நீ சொல்வாயென்று நானும்
நான் சொல்வேனென்று நீயும்
நாள் கடத்தியதில்......
காலம் சொல்லிச் சென்றது
நாம் இழந்த காதலை!

- பி.கே. தங்கராஜ் (9994692452)
காஞ்சீபுரம், தமிழ்நாடு.

எருமை மாடுகள்!

2008-12-27T19:11:00.000-08:00

சகதி நீர்
சாக்கடை நீர்
ஓடும் நீர் என
பேதம் பார்ப்பதில்லை
வெப்பம் தணிந்தால்போதுமென
புரண்டு எழுகின்றன
எருமை மாடுகள்!

- கவிஞர் ஆங்கரை பைரவி (9842633785)
(உலகத்தமிழ் எழுத்தாளர் சங்கம்-திருச்சி மாவட்டக்கிளை)
இலால்குடி. திருச்சி மாவட்டம்.

விபத்தில் மனிதநேயம்!

2008-12-26T07:11:00.000-08:00

சாலையானது சாதி
விளையாடுகிறது விதி
விபத்தில் சிக்கி
வீழ்ந்தது
மனிதநேய மதி!

- தே. ரம்யா
கொட்டக்குளம், திருவண்ணாமலை, தமிழ்நாடு.

அமில மழை!

2008-12-24T06:22:00.000-08:00

கத்தியின் பயனை
கைகள் தீர்மானிப்பதுபோல
மழையின் பயனை
மனசே தீர்மானிக்கிறது.
அன்று
உன்னோடு நனைகையில்
என்மீது பொழிந்த அந்த மழை
இன்று
என்மீது பொழிகிறது...
அமில மழை!

- அ. சரவணராஜ் (9943332116)
கோவை, தமிழ்நாடு.

இன்னொருவனோடு.......

2008-12-23T06:25:00.000-08:00

அப்பாவை கௌரவத்தோடு
அம்மாவை நிம்மதியோடு
தங்கையை மகிழ்ச்சியோடு
தம்பியைத் தன்மானத்தோடு
என்று எல்லோரையும்
வாழவைத்த நீ
என்னையும் வாழவைத்திருக்கிறாய்....
இன்னொருவனோடு!

- அ. சரவணராஜ் (9943332116)
கோவை, தமிழ்நாடு.

இத்தளத்தில் இதுவரை கவிதைகளை வழங்கியுள்ள கவிஞர்கள்....

2008-12-21T16:53:00.000-08:00

அன்புடையீர், வணக்கம்.

இத்தளத்தில் இதுவரை கவிதைகளை வழங்கியுள்ள கவிஞர்களின் பெயர்கள் இங்கே தரப்பட்டுள்ளன. அவர்களுக்கு என் நன்றி.
அவர்களிடமிருந்தும், புதிய கவிஞர்களிடமிருந்தும் தொடர்ந்து கவிதைகளை ஆவலுடன் எதிர்பார்க்கிறேன்.

நமது தஞ்சை மண்ணின் மைந்தர், கவிஞர் புகாரி (கனடா), அவர்களின் "அன்புடன் குழும" நண்பர்களின் பாராட்டுக்களைப் பெற்ற கவிஞர்களின் பெயர்ப் பட்டியல் விரைவில் இத்தளத்தில் வெளியாகும்.

அன்புடன்,
கிரிஜா மணாளன்.

"க்ளிக்" செய்து காண்க.

இவர்கள் தவிர, கீழ்க்காணும் நண்பர்களின் கவிதைகளும் இடம்பெற்றுள்ளன:

1. கோ. செல்வராஜ், திருச்சி.
2. எம். அக்பர், ஆர்.எஸ்.புரம், கோவை.
3. "விஸ்வாஸ்" (வசந்தி மெய்யப்பன்) இராசிபுரம்.
4. பி.கே.ராஜேஸ்வரி, பச்சப்பாளையம்.
--------------------------------------------

எழுதுகோல்!

2008-12-11T23:53:00.000-08:00

கௌரவிக்கப்பட்டது
எழுதிய முதல் கவிதை
எங்கே மரித்துப்போனதோ
முதல் கவிதைக்கு
உயிர்தந்த அந்த
எழுதுகோல்!

- தே. ரம்யா, கொட்டக்குளம்
திருவண்ணாமலை, தமிழ்நாடு.

முதல் "விருந்தினர்'!

2008-12-11T23:44:00.000-08:00

அரசியல் மாநாட்டு விருந்து
எல்லோரையும் அழைத்தார்கள்...
முதலில் வந்தது
ஆடு!

- கோ. செல்வராஜ் (9843334347)
திருச்சி 6200002, தமிழ்நாடு.

சருகுகளின் சரணாலயம்!

2008-12-11T08:42:00.000-08:00

சந்ததிகளை ஈன்ற
சருகுகளின் சரணாலயம்...
முதியோர் இல்லம்!

- எம். அக்பர் (9894303726)
ஆர்.எஸ்.புரம், கோவை, தமிழ்நாடு.

ஏக்கம்!

2008-12-11T08:34:00.000-08:00

நீ ஏற்றிவைத்ததில் அணைந்துபோன
சில விளக்குகளின் சூட்சுமம்
விளங்கவில்லை உனக்கு...
அவை ஏங்குகின்றன
பொன்னொளி மின்னும்
உனது விரல்களை
மீண்டும் அருகில் பார்க்க!

- வசந்தராஜா (9894303726)
நெய்வேலி, தமிழ்நாடு

மின்விசிறி!

2008-12-07T06:29:00.000-08:00

எதையோ எழுத நினைத்து
எதையெதையோ எழுதினேன்,
எதுவும் எனக்கே புரியாதபோது...
இமைமூடி இருளில்
தொலைந்தேன்.
யாருக்கும் தெரியாமல்
எழுதாத பக்கங்களையும்
இருளில் புரட்டிப் புரட்டிப்
படிக்கிறது
என் வீட்டு மின்விசிறி!

தே.ரம்யா,கோட்டக்குளம்
தமிழ்நாடு.

பைத்தியக்காரன்!

2008-12-07T06:13:00.000-08:00

ஒதுக்கப்படுவதை நினைத்து வருந்தி
சிருஷ்டித்துக்கொள்கிறான்
சில கதாபாத்திரங்களாய்
தன் உணர்வுகளைப்
பகிர்ந்துகொள்ள,
'பைத்திய'மென்று விளிக்கப்படும்
அவன்!

- கவிஞர் யாழி (9976350636)
கோவை, தமிழ்நாடு.

பாத்திரமறிந்து.......

2008-12-03T08:55:00.001-08:00

அழுக்காய் பிச்சைப் பாத்திரம்
அலங்காரமாய் கோயில் உண்டியல்...
பாத்திரமறிந்து
பிச்சையிடும் பக்தர்கள்!

- அ. ராஜீவ் காந்தி, (9786098440)
செங்கம், தமிழ்நாடு.

தீக்குச்சி!

2008-12-03T08:36:00.000-08:00

அறை முழுவதும் வெளிச்சம்
உயிர்பெற்ற தீபம்
மரணப்படுக்கையில்....
தீக்குச்சி!

- தே. ரம்யா, கொட்டக்குளம்
திருவண்ணாமலை, தமிழ்நாடு.

ருசியின்றி....

2008-12-03T08:21:00.000-08:00

மரநிழலில் அறுசுவை உணவு
ருசிக்கவில்லை
கவனம் முழுவதும்
மேலிருந்து பறவை எச்சம்
தட்டில் விழாமல்
பார்த்துக்கொள்வதிலேயே...!

- வசந்தி மெய்யப்பன் (விஸ்வாஸ்)
இராசிபுரம், தமிழ்நாடு.

அம்மா!

2008-12-01T08:31:00.000-08:00

எந்த மழையிலும் நான்
நனைந்ததே இல்லை.
முதல் தூறல் விழும் முன்பே
முந்தானை கொண்டு
மூடிவிடும்
என் 'அம்மா'வால்!

- அ. ராஜீவ்காந்தி (9786098440)
செங்கம், தமிழ்நாடு.

2008-11-27T05:40:00.000-08:00

அவ்வப்போது
துளிர்க்கிறது கண்ணீர்
என் ஞாபக பரணில்
தூசி தட்டும்போதெல்லாம்.

- பி.கே. ராஜேஸ்வரி
பச்சப்பாளையம், தமிழ்நாடு

2008-11-27T05:33:00.000-08:00

அடிக்கடி என் பெட்டியை
மோப்பம் பிடிக்கும்
என் செல்ல நாய்க்கு
தெரியாது
உதிரத்தால் எழுதப்பட்ட
காதல் கடிதமொன்று
அதன்
உள்ளே இருப்பது.

- பி.கே.ராஜேஸ்வரி
பச்சப்பாளையம், தமிழ்நாடு.

அந்த வார்த்தைகள்!

2008-11-27T05:19:00.000-08:00

உயிர்ப்பித்திருக்கிறது
ஆழமான ஒன்றை,
உன் ஜீவனுள்ள
சொற்கள் தாங்கிய
அந்த வார்த்தைகள்!

- பி.கே.ராஜேஸ்வரி
பச்சப்பாளையம், தமிழ்நாடு.

முடியவில்லையே!

2008-11-27T04:54:00.001-08:00

அருகில் இருந்தும்
பேசமுடியாமல்,
உரிமையிருந்தும்
கேட்கமுடியாமல்,
நண்பர்கள்......
தேர்வுக்கூடம்!

- 'வானவில் நண்பன்'
எம். செல்வகுமார்
பாடி புதுநகர், தமிழ்நாடு.

நானே!

2008-11-27T04:40:00.000-08:00

உன்னை
நானே நேசித்து
நானே நெருங்கி
நானே தழுவி
நானே விலகி
நானே கோபித்து
நானே வெறுத்து
சமாதானமாகிவிடும்
நெடுந்தொடரொன்று
நெடுநாட்களாய் எனக்குள்
நிகழ்ந்து வருவது
உனக்குத் தெரியுமா உயிரே?

- "ரத்திகா"
திருச்சி, தமிழ்நாடு.

மௌனம்!

2008-11-25T07:01:00.001-08:00

உன் அன்பின் அடர்வை
உணர்த்தியது
வருத்தங்களின் பொருட்டு
ஊடலாய் இழைந்தோடும்
நீ பேசாமல் தவிர்த்த
தருணங்கள்.

- கவிஞர் யாழி (9976350636)
கோவை, தமிழ்நாடு.

சமாதானப் புறா!

2008-11-25T06:57:00.000-08:00

சுதந்திரதினத்தில்
பறக்கவிட
சிறைபிடிப்பு,
சமாதானப் புறா!

- எம். அக்பர் (9894303726)
கோவை, தமிழ்நாடு.

செல்ஃபோன் ஆபத்துக்கள்!

2008-11-22T22:00:00.000-08:00

தொலைபேசி/அலைபேசி ஆகிய சாதனங்கள், நமது தொலைத்தொடர்பு வசதிக்கு மிக மிக உதவியாயிருப்பது உண்மைதான்! ஆனால், அவைகளை நெடுநேரம் பயன்படுத்துவதால் ஏற்படும் ஆரோக்கியக் குறைபாடுகளைப் பற்றி மருத்துவர்கள் நமக்கு அடிக்கடி அறிவுறுத்திவருவதையும் நாம் கவனித்து, அதன்படி நடக்கவேண்டும்.

தொலைபேசியில் 17.5 நிமிடத்துக்கு மேலோ, அலைபேசி (Mobile)யில் 12.5 நிமிடத்துக்கு மேலோ தொடர்ந்து பேசுவது காதிலுள்ள மிருதுவான செவிப்பறையைப் பாதிக்கும் என்கிறார்கள் மருத்துவர்கள்.
மேற்கண்ட நிமிடங்களுக்கு மேல் பேசவேண்டியிருந்தால், 3 நிமிடங்கள் இடைவெளி விட்டுப் பேசுவது நல்லது.
(சென்னை, அப்போல்லோ மருத்துவ மனையின் E.N.T. ஸ்பெஷலிஸ்ட் Dr. ரவீந்திரன் அவர்கள் இவ்வாறு கூறியுள்ளார்.)

தகவல்: சென்னிமலை சி.பி. செந்தில்குமார்.

வெளிச்சம்?

2008-11-19T17:50:00.001-08:00

/>

ஆயிரமாயிரம் தீபங்கள்
ஆலயங்களில்
வெளிச்சமென்னவோ
நூலகங்களில் திறப்பின்றி!

- "ரத்திகா" (9842421500)
திருச்சி, தமிழ்நாடு.

மௌனம்!

2008-11-16T05:39:00.000-08:00

ஆறாத ரணங்களை
உண்டாக்குகிறது,
கூரிய வாளையொத்த
வார்த்தைகளைவிட
உன் முனை மழுங்கிய
மௌனம்.

- கவிஞர் யாழி (9976350636)
கோவை, தமிழ்நாடு.

2008-11-16T05:27:00.000-08:00

நிலவில் நடப்படும்
தேசீயக்கொடி
நாளை விண்வெளிச் சுற்றுலாவுக்கு
முன்னோடி.
வசப்பட்டது நம் கனவு!

- அ. கௌதமன் (9994368626)
திருச்சி, தமிழ்நாடு.

அன்பின் அருமை!

2008-11-13T06:13:00.000-08:00

வாசிக்கத் தெரிந்த
விரல்களுக்குத்தான் தெரியும்
வீணையின் அருமை..
நேசிக்கத் தெரிந்த
இதயங்களுக்குத்தான் தெரியும்
அன்பின் அருமை!

- எம்.எஸ்.மோகன்ராஜ் (9788330607)
திருப்பூர், தமிழ்நாடு.

உனக்காக!

2008-11-13T06:09:00.000-08:00

உயிர்போகும் நேரம்கூட
உன்னதமானதுதான்
அது
உனக்காக என்றால்!

- பா. ஜெயகுமார் (9842163703)
அந்தியூர், தமிழ்நாடு.

பயணம்.........

2008-11-13T05:53:00.000-08:00

அடர்ந்துகொண்டே வரும்
உன் மௌனத்தில்
வளர்ந்துகொண்டே போகிறது
பாலைநிலத் தாவரங்கள்
நிறுத்தவியலா என் பயணத்தில்
குறுக்கும் நெடுக்குமாய்
முட்களின் கீறல்கள்
எனக்குமுன் பயணித்தவர்களின்
உதிரச்சுவடுகளில்
என் பாதங்கள்..
ஒரு பிரளயமல்லாது
தகர்க்கமுடியா மௌனக்கதவுகள்.

- "ரத்திகா"
திருச்சி, தமிழ்நாடு.

இதுவரை இத்தளத்தை அலங்கரித்த கவிஞர்கள்!

2008-11-10T04:53:00.000-08:00

இதுவரை இத்தளத்தில் 50க்கும் மேற்பட்ட படைப்பாளர்களின் கவிதைகள் இடம் பெற்றுள்ளன.

அக்கவிஞர்கள்:

ரத்திகா- திருச்சி இ.சங்கர்-செய்யார், சி.கிருஷ்ணமூர்த்தி- தாரா மங்கலம், பா.ஜெயகுமார்-அந்தியூர், ராஜீவ்காந்தி-செய்யார், சரவணராஜ்-கோவை, மோகன்ராஜ்-திருப்பூர், கௌதமன்-திருச்சி, அமீர்ஜான் - திருநின்றவூர், ‚மதி-குறிஞ்சிப்பாடி, வசந்தராஜ-நெய்வேலி, கோமதி-கரூர், எஸ். பாண்டியன் - கரூர், பூமிகாந்த் - பூதலூர், ஆர்.ராஜ்குமார்-திருவெறும்பூர், பட்டுராஜ்-கோவை, ஆனந்தன் - திருப்பூர், செல்வகுமார்-பாடிபுதூர், பா.ஜெயகுமார்-எண்ணமங்கலம், யாழி - கோவை, ஞானசேகரன் - புதுவை, ரம்யா-கொட்டக்குளம், சந்தோஷ்குமார்-புதுவை, ஜோதிகார்த்திக்-திருச்சி, எம்.எஸ்.குமரன் - வளவனூர், மஞ்சுளா-மதுரை, ஆங்கரை பைரவி-லால்குடி, பாபு-திருச்சி, கோவிந்தராஜன் - சுப்பிரமணியபுரம், சி. கலைவாணி-ஆரியூர், சுரேஷ்ராஜன் -லால்குடி, கொள்ளிடம் காமராஜ்-திருச்சி.

அனைவருக்கும் எனது அன்பார்ந்த நன்றி!
தொடர்ந்து உங்கள் படைப்புகளை ஆவலுடன் எதிர்பார்க்கிறேன். பிற கவிஞர்கள் தங்கள் கவிதைகளும் இத்தளத்தில் இடம்பெற விரும்பினால், அலைபேசி: 9940966667 என்ற எண்ணுக்கு SMS செய்ய வேண்டுகிறேன்.

- கிரிஜா மணாளன்.

காதல்!

2008-11-09T07:17:00.000-08:00

கடவுள், கற்பகத்தரு,
காமதேனு, காந்தர்வ உலகம்,
அமுதசுரபி, பாரிஜாத மலர்,
இவைகள்போல....
இருந்துவிட்டுப் போகட்டுமே
நமது அன்பிற்கான
ஒரு பெயரும்
'காதல்' என்று!

- 'ரத்திகா'
திருச்சி. தமிழ்நாடு.

வருத்தம்!

2008-11-09T07:10:00.000-08:00

வண்டுகள் ஏதும் வரவில்லை
வருத்தப்பட்டது
பிளாஸ்டிக் பூ!

- இ. சங்கர் (9789527975)
செய்யார், தமிழ்நாடு.

கைக்குழந்தையாய்.....

2008-11-08T04:45:00.000-08:00

இருவருக்கும் வயதானாலும்
இன்னும் கைக்குழந்தையாகவே
இருக்கிறது
நம் காதல்!

- சி. கிருஷ்ணமூர்த்தி (9942666936)
தாராமங்கலம், தமிழ்நாடு.

எரிமலை!

2008-11-06T17:00:00.000-08:00

அடர்ந்த மின்னலாய்
அத்துமீறின ஆசைகள்...
ஆசையுடன்
அணைக்கத் துடித்தேன்
என்னவளை...
அருகில் சென்றபின்தான்
உணர்ந்தேன்
என்னவள் ஒரு
எரிமலை என்று!

- பா. ஜெயக்குமார் (9842163703)
அந்தியூர், தமிழ்நாடு.

பாலுக்காக.....!

2008-11-06T16:51:00.000-08:00

பாலுக்காக அழுது அழுது
எச்சில் விழுங்கி
பசியாறுகின்றன
ஈழத்தமிழர் படுகொலையில்
தாயினை இழந்த
குழந்தைகள்!

- ராஜீவ் காந்தி (9445454704)
செய்யார், தமிழ்நாடு.